اعجوبه

صفحات قلبي عجزت اليوم تقراهــــــا
حروف همٍ على الصفحات مكتوبـــــة

"الرسم " هجرك وصار العفو "ممحاها"
للحين يرسم على اللوحات بإسلوبــــــه

حظوظ مثلك معي ياصاح مااقواهـــــــا
الضيق يمّك غدَى صفحات محجوبـــــة

الطيب طبعه وصبري لأجل مبداهـــــــا
وصوف طيبه تغطي كل عذروبـــــــــــه

سبحان ربي بديع الخلق سواهــــــــــــــا
حتي عيوبه في ناظر قلبي مرغوبــــــه؟!

أخاف أقصّر ليا من قلت أهواهـــــــــــــا
الكون يصغر لاجات عيوني فـصــــــوبه

اليا لمحته كـــأن الأرض ماطــــــاهـــــا
أطيــــر يمّه واشوف الدنيــــــا مقلــــوبه

يضيق صدري ليا صادفت مسراهـــــــــا
خفيف دمّه وحكيــــــــه زايـــــــد عـــذوبه

في دنية الغنج والتدليـــــــــــل مرباهــــــا
من زود دلعها تقول الهرج مغصـــــــــوبه

حتى في ضيقه تظن النــــاس يتباهـــــــــا
من ماعرفها يقول إبـــــــــــداع موهوبـــــه

تقول : أبنسى وانا ياكيف بنساهـــــــــــا ؟
فشلت وقالت ترى (لإبريل) اكـــــــــــذوبه

وشلون تنسى بساط القلب مرســـــاهـــــــا
الحب زاده / وصفا التقدير مشــــــــــروبه

عجزت أحدد .. وأصنّف فكر مغزاهـــــــــا
يازين ارفق .. ترى الأيــــام محســــــــوبه

تزعل / ولكن في صحرا القلب منفـاهــــــا
جهــــــاتي أربع .. تودينــــــي على دروبه

زلاته تُدمـــــح تغطيهــــــــا مزايـــــــــاها
تحضرني دايم لاجيت أجمّع عيـــــــــــوبه

بالقلب قصره ونبضه صار مركاهــــــــــا
مدري بشماله ومدري تسكن جنـــــــــــوبه

تتعجب الناس لإعجابي بشرواهـــــــــــــا
كلن يدوّر بهالدنيـــــــــــــــا لمطلـــــــــوبه

النفس تعبت تبي الراحـــــــه ومأواهـــــــــا
ماقد سمعنا حروف الجر منصوبــــــــــــــه

عجبتني فيها عجايب صعبِ نحصــــــــــاها
عجيبه تُعجب مدام إعجابي فـ"اعجـــوبه"!!