{ أنتِ بنت .. هو ولد }

بسم الله الرحمن الرحيم

{ أنتِ بنت .. هو ولد }





جملة حطمتني سوت لي أزمة قوية .. أبي كذا .. لأ , ليه أخوي عنده أنتِ بنت وهو ولد


نسمعها كثير نشوف كيف




في الأشهر الأولى



أول ما تطلع البنت للدنيا .. يجون الضيوف يشوفونها ويبدون تعليق




ليه حنطيه لو كانت أبيض شوي, كأنها قصيرة شوي, شعرها كأنه أجعد, رموشها خفيفة و....



....
ما يخلصون تعليق عليها وأخر شي مسكينة من بياخذها ,حرام عليكم طفله توها ما شافت الحياة ..







أما الولد أصلع عادي ما يضره ولد, قصير عادي ما يضره, أسمر عادي ولد, لو كان شين عادي وش فيها ما يضر لأنه


ولد..
في مرحلة المراهقة



عيب تلبسين كذا وعيب تتكلمين مع الكبار كذا , وإذا كانت ملينانه راحت فيها رجيم ورياضة وهي مو جنب هالحركات




تبي تعيش مراهقتها مع صديقاتها الي بعمرها بس ممنوع تجمعات البنات وإذا تجمعوا لازم تكون وحده من الأمهات معاهم يعني يحجرون عليها بقوه .



أما الولد في سن المراهقة وين تبي تطلع روح عادي أعزم أصحابك عندك أطلع معاهم ودك تأخذ السيارة خذها وفلها



زي ما تبي إن كان دب مسكين ما ياكل أطلبوا له وجبة جوعان .




إلى الآن ما في ظلم ,ليه ..؟! بكل بساطة لأن أنتِ بنت وهو ولد

في الجامعة
الولد عنده سيارة والبنت محبوسه بالبيت مع أمها لين تتزوج ولا ما تطلع بحالها إذا كانت الأم مالها نفس تطلع للعزيمة



البنت ما تطلع لازم نفس الوضع الي يصيب أمها يصيبها هي بعد



إذا دق الجوال وش النغمة الي حاطتها أغنية فيها حب وخرابيط هذاك اليوم ما تنام لين يصير تحقيق معاها ليش هذي



الأغنية ومين الي دق عليك وليه تقومين إذا دق التلفون >> الحمدلله إني ما أحط أغاني بس موسيقى




الولد خذ راحتك بدل الجوال جوالين عادي وش فيها ولد خليه يروح ويطلع زي ما يبي إذا دخن ولا شيش يزعلون منه





يومين وبعدها يجون يراضونه ليه لأنه ولد ..

في سن الزواج ..




البنت لازم تكون على مزاج الرجال بس الرجال عادي يكون زي ما يكون أهم شي رجال ..



ما يهم أخلاق الرجال بس البنت تكون ذات خلق عالي جداً ..




يطول الجدال عن التفرقة بين البنت و الولد





تحياااااااتي لعيووووونكم



م . ن . ق